Styð ykkur Vestfirðingar

Það er mín skoðun að aðal flutningaleiðir um landið eigi að vera láglendisleiðir og sem stystar. Þá á ég við bæði hringveginn og hringveg um Vestfirði.  Það er ótrúleg skammsýni að ætla öllum flutningabifreiðum og öðrum sem eiga brýnt erindi á milli staða að aka langar leiðir fyrir firði og upp á fjöll og hálsa jafnvel daglega. Að því er séð verður aðeins vegna þess að þarna voru kindagöturnar og ekki til stórvirk tæki eða tækni til að fara hagkvæmustu leiðirnar. Hver eru svo rök þessa fólks fyrir því að ekkert megi færa til betri vegar.  Líffæðingar, náttúrufræðingar, eða bara einhverjir öfgasinnar eru gerðir út af örkinni til þess að leita að einhverjum sjaldgæfum skorkvikindum eða plöntum.  Síðan er okkur almúganum talið trú um að þessar lífverur lifi hvergi nema á þessum framkvæmdasvæðum og því sé nauðsinlegt að friða umrædd svæði.  Jafnvel örn á flugi yfir Teigskógi telst átilla til friðunar.  Ég hef ekki farið um þennan blessaða Teigskóg. Ef hann er ekki breiðari en það að  ein vegbreidd nægir til að spilla honum, þá er hann ekki friðunar verður.  Vegur sem liðast um skóginn eða í jaðri hans ætti miklu frekar að vera augnayndi og gefa fleiri Íslendingum og ferðamönnum tækifæri á að njóta hans.  Þeir sem það kjósa og hafa tíma til geta síðan ekið gömlu vegina um fjöll og firði.  Ég hef sagt það áður og get sagt það aftur að mér finnst ekki mikið þó að við Íslendingar héldum úti eins og tveim jarðgangna gengjum sem innu eingöngu að jarðgangna gerð árið um kring.  Það yrði örugglega ein arðbærasta fjárfesting þegar til lengri tíma er litið auk þess að draga verulega úr kolsýrings útbæstri og margfalda  öryggi vegfarenda. 

Hefði viljað heyra fleiri sjónarmið